Yahoo se Fasiliteite


Hierdie bladsy is nog onder konstruksie!

SAgenealogie maak van Yahoo! Groups as diensverskaffer gebruik vir die poslys wat deur die gespreksgroep gebruik word. Daar is ook ander fasiliteite wat deur Yahoo! Groups verskaf word wat nuttige deur lede van die groep gebruik kan word, hiervoor moet mens 'n Yahoo gebruikersprofiel met 'n toegangswagwoord registreer (alhoewel Yahoo daarna verwys as 'n "Account" is die fasiliteit heeltemal gratis!).

 

SAgenealogie se Argief

Alle boodskappe wat op die lys uitgeruil word word, vir ie huideige jaar, word Yahoo! Groups se argief gestoor, en dit is moontlik om hierdie argief deur te blaai en vir inligting te soek deur te gaan na http://groups.yahoo.com/group/SAgenealogie.

Vir vorige jare se argiewe kan jy hulle hier bereik.

 

Fotos

Op hierdie stadium het die lysbestuur bevind dat Yahoo! Groups se foto-fasiliteit beperk is tot slegs 30Mb stoorkapasiteit - daarom het ons die SAgenealogie fotodatabank begin by http://public.fotki.com/SAgenealogie. Om fotos op te laai word 'n toegangswagwoord benodig, kontak gerus vir Paul Maré op die lys vir besonderhede.

 

Databasis

Een van die baie nuttige fasiliteite wat ons by Yahoo! Groups tot ons beskikking het, is die vermoë om tabelle met inligting te stoor (ons kan dit amper 'n aanlyn-Excel noem). Om hierdie fasiliteit te gebruik, moet mens 'n paar eenvoudige stappe volg. Hieronder gee ek as 'n voorbeeld die stappe wat 'n mens sou volg om die vanne waarin 'n mens belangstel, op die databasis by te voeg. Probeer dit gerus, en as daar enige probleme is, kontak my sommer direk by gert_kok@hotmail.com sodat ons dit kan probeer oplos!

  1. Gaan na http://groups.yahoo.com/group/SAGenealogie/ en klik op die "Sign in to Yahoo!"-skakel in die middel bo.
  2. Tik jou Yahoo! ID en Wagwoord in en klik op "Sign In".
  3. Klik op die "Database"-skakel aan die linkerkant van die bladsy om 'n lys van al die bestaande tabelle te sien.>
  4. Kies die "Vanne & Navorsers"-skakel. Nou behoort jy die eerste paar inskrywings in die tabel te sien.

    Notas:

      a. Die naam van die gekose tabel word in die titelstaaf van die webblaaier soos volg aangedui:
      Yahoo! Groups : SAGenealogie Database : Vanne & Navorsers.
      b. Jy kan die "Previous", "Next", "First" en "Last" navigasie-skakels gebruik om die ander inskrywings in die tabel te besigtig, of jy kan vir 'n trefwoord in die tabel soek deur van die opsie regs, net bokant die inskrywings, gebruik te maak.

  5. Om nou jou inligting by te voeg, kies die "Add Record"-skakel links onder aan die bladsy.
  6. Vul die aangetoonde velde in, en kies "Save Record" om jou inligting in die databasis te stoor.
  7. Om 'n inskrywing op te dateer of uit te vee, gebruik die "Edit" en "Delete" skakels onderskeidelik, albei regs op die bladsy teenoor die betrokke inskrywing.
  8. Om die hele tabel uit te druk, kies die "Printable Report"-skakel, reg langs die "Add Record"-skakel wat jy in stap 5 gebruik het.

Daar is ook benewens die "Vanne & Navorsers"-tabel ook 'n hele aantal ander nuttige tabelle geskep. Hieronder tel:

  • Bronne (In Lede se Besit) - In hierdie tabel kan jy jou genealogiese / geskiedenis bronne lys, of 'n aanduiding kry van wie vir jou inligting in 'n gegewe werk kan naslaan.
  • Navorsers - Kontak besonderhede oor navorsers.
  • Die Boekwinkel - Ek dink hierdie idee van Daniël Jacobs het baie potensiaal! Hier kan ons daardie boeke wat ons van die hand wil sit, lys. Ander lyslede kan deur al die winskopie-aanbiedings blaai. Gaan kyk gerus na al die boeke wat alreeds aangebied word!

Skakels

..

 

Lëers

..